5. þáttur Hlaðvarpið á jons.is Þór Bæring Ólafsson

Þór Bæring byrjaði snemma í fjölmiðlum var í útvarpi og sjónvarpi, sem var mjög skemmtilegt og ákvað þá að gera bara eitthvað skemmtilegt í lífinu. Fór í kjölfarið að vinna í vefmiðlum og stofnaði ástamt Braga Magnússyni sport.is Útfrá sport.is varð svo til ferðaskrifstofan Markmenn. Þeir fóru í samstarf með Iceland Express sem þróaðist á þann hátt að Iceland Express keypti Markmenn og úr varð Express ferðir, þannig hefst innkoma Þórs í ferðabransann. Þegar WOW air kemur svo inn á markaðinn sáu þeir félagar tækifæri til að komast aftur inn í þennan bransa og stofnuðu Gaman ferðir fyrir 5 árum síðan. Það samstarf hefur gengið vel og það vel að WOW keypti 49% hlut í Gaman ferðum. Þeir eru nýverið byrjaðir að bjóða uppá ferðir til landsins líka,og eru meðal annars að reyna að beina ferðamannastraumnum á fleiri staði um landið en gert er í dag. Þór segir að maður verði að elta sannfæringuna þegar draumurinn um að fara að vinna sjálfstætt byrji að krauma. Hann var í skemmtilegu starfi hjá VÍS en vissi að hann langaði að vera sinn eiginn herra. Gaman ferðir byrjaðu í eldhúsinu heima í blokk í Hafnarfirði og hafa þeir alltaf reynt að hafa litla yfirbyggingu. Í dag eru 12 starfmenn hjá Gaman ferðum. Fyrirtækið hefur vaxið mjög hratt og þetta verið krefjandi verkefni. Gaman ferðir byrjuðu í sport ferðum en í dag þróast í allar gerðir af ferðum svo sem árshátíðarferðir, fyrirtækjaferðir, eru einnig mikið í sólarferðum og bjóða uppá æfingaferðir, borgarferðir og skíðaferðir. Þór og félagar eru nýkomni frá London á World travel market að kynna sig til leiks þar. Mikill áhuga var í Bretlandi og í Evrópu á þeirra starfsemi og er einnig stefnan að nota mikið tenginguna við WOW air til að efla þann hluta. Fyrstu árin voru Gaman ferðir nánast eingöngu að markaðssetja sig á samfélagsmiðlum, Facebook og Twitter hafa nýst þeim mjög vel og gerir enn. Að sögn Þórs er gott að vera í samskiptum við kúnna á samfélagsmiðlum. Gaman ferðir leggja áherslu á að hafa gaman í vinnunni, halda borðtennismót á hverjum föstudegi, fara saman út og reyna að hittast reglulega þó það sé stundum erfitt að ná öllum saman þar sem margir eru á ferð á flugi. Áhugi og metnaður er ekki síður mikilvægt en menntun við ráðningu starfsfólks. Í öllum viðskiptum kemur einhvern tíma eitthvað uppá og mikilvægt að reyna ekki að grafa það ekki heldur leysa málin segir Þór þegar talið berst að þjónustu málum.